მეცხრე დღის რეფლექსია

დღეს ჩვენი სწავლების ბოლო დღეა, ეს იყო საკმაოდ დატვირთული , ემოციური დღე. ბლოგზე განვათავსეთ სასწავლო პროექტის პორტფოლიო, მოვუსმინეთ კოლეგების გამოსვლებს.
          მინდა დიდი მადლობა გადავუხადო ტრენინგის ორგანიზატორებს და  ქალბატონ ნინო კაჟაშვილს, რომელმაც არ დაიშურა თავისი ცოდნა და გამოცდილება იმ მიზნების მისაღწევად, რისთვისაც ჩვენ მოვედით-შეგვესწავლა ინფორმაციულ საკომუნიკაციო ტექნოლოგიების გამოყენება სასწავლო პროცესში. ამ ტრენინგმა სრულად გაამართლა ჩემი მოლოდინი. აქ მიღებულ ცოდნას ვიცი რომ ნამდვილად გამოვიყენებ სწავლების პროცესში.
          დიდი მადლობა.

სასწავლო პროექტის პორტფოლიო

პორტფოლიოს სანახავად გადადით ბმულზე

მერვე დღის რეფლექსია

დავწერეთ სასწავლო პროექტის მსვლელობა; გუგლ ფორმების საშუალებით ვისწავლეთ, თუ როგორ ვაწარმოოთ გამოკითხვა, როგორ მივაწოდოთ მოსწავლეებს და როგორ შევამოწმოთ მათი პასუხები.
         დღეს მივიღე პასუხი ყველა იმ კითხვაზე, რომელიც მაინტერესებდა და მჭირდებოდა მუშაობის პროცესში.

გამოკითხვა

გამოკითხვის სანახავად გადადით ბმულზე

მეშვიდე დღის რეფლექსია

ვისაუბრეთ სწავლის სხვადასხვა სტილზე, განვიხილეთ მოსწავლის დასახმარებელი რესურსები, კერძოდ, პროექტის დამხმარე შაბლონი, მოვახდინეთ მოსწავლეთა დიფერენციაცია. ვიმუშავეთ გაჯეტების დამატებაზე-მთვლელი, სურათის და გამოკითხვის გაჯეტები.სამუშაო დღე იყო ნაყოფიერი და საინტერესო.

    სწავლების პროცესში პროგრესი მხოლოდ  ცოდნის გადაცემით ვერ მიიღწევა, აუცილებელია , რომ გამოვავლინოთ მოსწავლეთა შემოქმედებითი ინტერესები და ანალიტიკური შესაძლებლობები, განუვითაროთ კრიტიკული  და შემოქმედებითი აზროვნება,  შეძლონ მიღებული ცოდნის პრაქტიკაში გამოყენება. მოსწავლეებს უნდა ვასწავლოთ, თუ როგორ შეივსონ ცოდნა სხვადასხვა წყაროებიდან, როგორ და სად მოიძიონ ინფორმაცია. ამ ყველაფრის შესაძლებლობას იძლევა სასწავლო  პროექტი, პროექტზე დაფუძნებული სწავლება, მოსწავლის პროექტის საბოლოო შედეგია პასუხი იმ ზოგად კითხვაზე, რომელიც დასმული იყო პროექტის დასაწყისში. პროექტი მრავალფეროვანი სამუშაოა, რომლის შესრულების ხარისხი მასწავლებლის და მოსწავლეთა თანამშრომლობით მიიღწევა.პროექტზე მუშაობის დროს მოსწავლეებში ვითარდება კვლევითი უნარი, სხვისი აზრის, სხვისი შრომის პატივისცემის უნარი, აქვთ წინასწარ დაგეგმილი მიზანი და ამ მიზნის მისაღწევად გამოიყენებენ მრავალ აქტივობას (გამოკითხვის ჩატარება, ინტერვიუს აღება, ინტერნეტში მასალების მოძიება, ლიტერატურის გაცნობა, აზომვების ჩატარება და სხვა), ამ აქტივობების ჩატარების და მონაცემების დამუშავების შემდეგ ირჩევენ პრეზენტაციის ფორმას და აუდიტორიისთვის გასაგები ფორმით  ახდენენ ამოცანის ფორმულირებას, ასაბუთებენ პრობლემის აქტუალურობას და მნიშვნელობას. იციან პრეზენტაციისათვის განკუთვნილი დროის ეფექტიანად გამოყენება.

მეექვსე დღის რეფლექსია

დავასრულეთ მოსწავლის სავარაუდო ნამუშევარი, შევადგინეთ პროექტის შეფასების რუბრიკა.ძალიან საინტერესო და ხალისიანი დღე იყო, რადგან კიდევ ერთხელ გავიხსენეთ სლაიდშოუს გაკეთება, ეფექტების დადება და ჩვენება.